Preces
Serviam!
℣Ad Trinitatem Beatissimam.
℟Gratias tibi, Deus, gratias tibi: vera et una Trinitas, una et summa Deitas, sancta et una Unitas.
℣Ad Iesum Christum Regem.
℟Dominus Iudex noster; Dominus Legifer noster; Dominus Rex noster. Ipse salvabit nos.
℣Christe, Fili Dei vivi, miserere nobis.
℟Christe, Fili Dei vivi, miserere nobis.
℣Exsurge, Christe, adiuva nos.
℟Et libera nos propter nomen tuum.
℣Dominus illuminatio mea et salus mea: quem timebo?
℟Si consistant adversum me castra, non timebit cor meum; si exsurgat adversum me proelium, in hoc ego sperabo.
℣Ad Beatam Virginem Mariam Mediatricem.
℟Recordare, Virgo Mater Dei, dum steteris in conspectu Domini, ut loquaris pro nobis bona.
℣Ad Sanctum Ioseph Sponsum Beatae Mariae Virginis.
℟Fecit te Deus quasi Patrem Regis, et dominum universae domus eius: ora pro nobis.
℣Ad Angelos Custodes.
℟Sancti Angeli Custodes nostri, defendite nos in proelio ut non pereamus in tremendo iudicio.
℣Ad Sanctum Iosephmariam Conditorem nostrum.
℟Intercede pro filiis tuis ut, fideles spiritui Operis Dei, laborem sanctificemus et animas Christo lucrifacere quaeramus.
℣Oremus pro Beatissimo Papa nostro N.
℟Dominus conservet eum, et vivificet eum, et beatum faciat eum in terra, et non tradat eum in animam inimicorum eius.
℣Oremus et pro Antistite huius dioecesis.
℟Stet et pascat in fortitudine tua, Domine, in sublimitate nominis tui.
℣Oremus pro unitate apostolatus.
℟Ut omnes unum sint, sicut tu Pater in me et ego in te: ut sint unum, sicut et nos unum sumus.
℣Omne regnum divisum contra se, desolabitur.
℟Et omnis civitas vel domus divisa contra se non stabit.
℣Oremus pro benefactoribus nostris.
℟Retribuere dignare, Domine, omnibus nobis bona facientibus propter nomen tuum, vitam aeternam. Amen.
℣Oremus pro Patre.
℟Misericordia Domini ab aeterno et usque in aeternum super eum: custodit enim Dominus omnes diligentes se.
℣Oremus et pro fratribus nostris Operis Dei, vivis atque defunctis.
℟Salvos fac servos tuos, Deus meus, sperantes in te.
℣Mitte eis, Domine, auxilium de sancto.
℟Et de Sion tuere eos.
℣Requiem aeternam dona eis, Domine.
℟Et lux perpetua luceat eis.
℣Requiescant in pace.
℟Amen.
℣Domine, exaudi orationem meam.
℟Et clamor meus ad te veniat.
Sacerdos, si Preces moderatur, exsurgit et addit, stans etiam dum recitat orationem:
℣Dominus vobiscum.
℟Et cum spiritu tuo.
Oremus.
Deus, cui proprium est misereri semper et parcere: suscipe deprecationem nostram. Ure igne Sancti Spiritus renes nostros et cor nostrum, Domine: ut tibi casto corpore serviamus, et mundo corde placeamus.
Actiones nostras, quaesumus Domine, aspirando praeveni et adiuvando prosequere: ut cuncta nostra oratio et operatio a te semper incipiat, et per te coepta finiatur. Per Christum Dominum nostrum.
℟Amen.
Omnes:
Gaudium cum pace, emendationem vitae, spatium verae poenitentiae, gratiam et consolationem Sancti Spiritus atque in Opere Dei perseverantiam, tribuat nobis Omnipotens et Misericors Dominus.
℣Sancte Michael.
℟Ora pro nobis.
℣Sancte Gabriel.
℟Ora pro nobis.
℣Sancte Raphael.
℟Ora pro nobis.
℣Sancte Petre.
℟Ora pro nobis.
℣Sancte Paule.
℟Ora pro nobis.
℣Sancte Ioannes.
℟Ora pro nobis.
Cum adsit aliquis sacerdos, dignior ait:
Iube, Domne, benedicere.
Sacerdos benedicit:
Dominus sit in cordibus vestris, et in labiis vestris, in nomine Patris et Filii et Spiritus Sancti.
℟Amen.
℣Pax.
℟In aeternum.